VC-te court-ah kal leh

All Mizoram Village Council Association (AMVCA) chuan vawiin (14.1.2025) chhun khan an term pawhtawi avanga Mizoram Sorkar khinna Gauhati High Court (GHC), Aizawl Bench-ah an thehlut leh.

AMVCA hian registration an tih loh avangin an president K Lalngaizuala hmingin Mizoram Sorkar khinna hi an thehlut. K Lalngaizuala hnen atanga Bengvarna thudawn danin, GHC, Aizawl Bench-ah hian writ petition thehluh fel a ni leh ta. High Court hian ni 16.1.2025 (Ningani) ah a list anga, hemi ni hian a case hi sawi nghal tura beisei a ni

He thil hi party politics anga lak chi a ni lo tih sawiin AMVCA President chuan, 'VC kal leh zel turte zahawmna humhim nan leh democracy ram kan nih anga democratic taka thil a kal zel theih na tura VC General Conference thu pass bawhzui zelna a ni tih i hrethar leh theuh ang u,' a ti.

Tarlan tawh thin angin AMVCA hian an pawl hmingin Mizoram Sorkar hi an khing a, registration an tih loh avangin an president hmingin an khing leh a ni.