Roderick-a pa thu leh hla

Seventh Day Hospital-a buaina chhuaka social media lama thu leh hla ngah tak Roderick Renthlei pa ni ngeia hriat chuan whatasapp group pakhatah a fapa chungchang a tarlang.

Roderick-a pa chuan, 'Zahin sai ngal a deng tliak e!!:- Hei ka fapa Roderick Thangdinglianate chetna media lama darh ta chiam hi, a cousin Awmtea miin an lo shock a, phuba la tura an han chet velna sulhnu zahthlak leh mawilo tak mai hi, ṭhianten in lo hre ngei ang. Dik lo fel lo chu hremna an tawrh tur ang ang tuar turin ka pe thla. Amah hi BA & LLB chu a ni ve ta a,  nikum lam aṭang khan kan bulah pawh awm thei loin, Zonuam, Aizawlah amahin a awm hrang a, tuk leh zan awm ho lo ta chu a chin pawh kan hre lem lo,' a ti.

Tarlan chhunzawmin Riderick-a pa chuan, 'Nizan hmasa (31/1/2025) zan khan min rawn phone a, a unaupa Awmtea miin an lo sual rawn a, an thinrim hmalak ve an tum thu. Keichuan; chutiang thil dik lo ti te chu a buaipui tur Police-ah FIR thehluh mai a ṭha, ka lo ti mai. Chubak chin hriat zui ka nei ta lo. Media lamah an chet zui dante a lo darh ta a, a pawi in a zahthlak hle mai. Kan fa anihna chu a bo thei si loa, kan duh ang leh thu ang zawm hleithei lo kha a ni si. Kei mimal hi chuan sual avanga hrehawm lo tih emaw sual in ngam tir hi ka tum ngai lo. Mah se, a thiamthu sawi chhampual kual thui luatah, kan hmingte a lo chham tel ta si a, in lo hriat ngei ka ring e. Fate felna zar pawh kan zo anga, an sual pawh kan phur tur a ni💪🏻🇾🇪, ' tiin a fapa chetdan pawi a tih hmel hle.