MPCC-in LC/VC candidate-te certifcate hlan

MPCC chuan vawiin (6.3.2025) chhun khan Lal Thanhawla Auditorium-ah tun hnaia an party atanga local council leh village council inthlana candidate-te hnenah lawmthu sawina certifcate an hlan.

He huna thusawitu MPCC President Lal Thanzara chuan min enchhin rawh u ti, ZPM enchhin sorkar kan nei mek tih sawiin, 'Airport suasam an tum danah kan enchhin tawh a, kan enchhin atang hian political party hrang hrang leh NGO-te chuan mark kan pe sang lo hle a ni. An intiam angin Kut hnathawktute ngaihsak leh duhsak bik tura an insawinaah hmunphiah chungchangah nikum lamah kan enchhin a, hmunphiah chingtute tan beisei a bo in an khawngaithlak hle . Kum dangah kan hunlaitea a nuai tela a hlawkna an tel laiin kuminah an heh a hil hle. Hmunphiah lei chungchangah enchhin sorkar hian pass mark an hmu lo,' a ti.

In kawtkaiah kg. ah Rs 50 in kan rawn la ang tia sawhthing ching tura min fuihtute kan enchhin mek nia sawiin MPCC President chuan, 'An intiam angin an awm lo mai ni lovin, hahtaka beiseina sang tak nena sawhthing ching a, beiseina sang tak nena enchhin tute thinlung an ti na chho mek a ni. Hei hi kan enchhin sorkar dinhmun a ni. ZPM te sorkar theihna chhan ber chu kum 30 chhunga Congress leh MNF in sorkar chhawk khan ram tan engmah an ti lo an tih kha thalai ten an awiha an sorkar theih phah a ni,' tiin sorkar kaltate khan engmah tih nei lo ni se, tuna ZPM sorkara Chief Minister hian CM thutthleng a luah miah loh tur thu a sawi.

Lal Thanzara chuan MNF pawh hian inthlan dawn a piangin thutiam ropui tak tak an nei thin tih sawiin, 'Mah se, economic leh development-ah a hlawhtling sawi tur kan nei em? A hmasa berin independent min tiam a, kan chan chu hmeithai tam tak siam a ni ringawt mai, chutah state ralmuangah kawng chhawng siamte mintiam a, kawngchawng siam kan nei loa, leiverh inkal pawhna pawh kaw pakhatmah pawh an la verh lo. Cheng sing sariha kut hnathawktute tanpui min tiam a, tumahin singsarih an dawng lo va, cheng nuai thum lai NLUP dawng tawh pawhin in dawng ang an tia, tumahin nuai thum chu sawi loh nuai khat pawh kha intiamna atang khan dawng an awm awm lo,' a ti.