Kawng dan chhunzawm dawn

MZP Hqrs., Lunglei chuan Aizawl - Thenzawl - Lunglei (ATL) road siamna tur sum pawhpen nia hria tukin (28.4.2025) atanga Pukpui daia ATL kawng an dan chu naktukah pawh an dan chhunzawm dawn a, Pukpui bakah Hrangchalkawnah an dang tel tawh an tum.

Lunglei MZP-te hi vawiinah tuna sum awm sa ATL siamna atana dah let emaw, Central Road Research Institute (CRRI) te ruaia hmalakna thar neihahte duh thlang turin tih an ni. Lunglei MZP chuan an resolution angin, tuna sum awm pawhpen nia an hriat dahlet bakah, chumiin a daih lohna pawh ruahman belh tura written assurance pek an phut a ni.

Hetihlai hian nizana Lunglei North Bialtu MLA V Malsawmtluanga leh Lunglei South Bialtu MLA Lalramliana Papuiate nen an inkawmnaah Chief Minister Lalduhoma chuan cheng vbc. 90 ngawr ngawrah ngaituahna sen tur a nih loh thu sawiin, Mausen - Kanghmun S chu CRRI-ten an zirchiana, estimate an siam hnuah, a tul ang zat zat dah an in huam thu a sawi. 

Chief Minister chuan Pukpui -  Mausen  siam nan cheng vbc. 45 an dah phawt tih sawiin, 'Hei hi kawng sei zawng ngaihtuahin a tam mah mah niin a lang a, tha taka siam kan duh vangin pawisa dah tam a ni.  Mausen -  Kanghmun S inkar chu CRRI-ten an zirchian hnuah estimate an thehlut dawn a, cheng vbc. 100 leh a aia tam thleng ruahman a tul thei, a tul zat zat dah belh kan inhuam,' tiin CRRI-te chu karleh lamah an rawn thlen beisei a nih thu a sawi.