Permit lak zel a ngai tawh

Commerce & Industries Director tarlan danin, tunlai hian mi hrang hrangin thei leh thlaite state pawn/ram pawn atangin an lakluh bakah, an duhna hmun hmunah motor-in an zuar thin. Heng zingah hian zu leh ruihtheih thil danga inhnamhnawih pawh an awm ni a hriat a ni.

Chuvangin, The Mizoram Agricultural Products (Prohibition of Movement) (Amendment) Order 1999 in a phut ang in, State dang atanga thei, thlai leh ran (animal husbandry products) la lut tur reng rengin Commerce & Industries Department atangin permit form awmsa hmangin an dil zel tur a ni ang. Permit hi Directorate of Commerce & Industries (Marketing Cell) leh District Office, Commerce & Industries Department ah te lak theih a ni a, permit la turten an mahni Voters' ID (EPIC) Xerox copy ken ngei tur a ni. Permit nei hmasa loa heng bungruate hi Mizoram chhunga la lut tum an awm chuan he order {The Mizoram Agricultural Products (Prohibition of Movement) (Amendment) Order 1999} ang hian an chungah action lak a ni ang.

Hrechiang duh chuan a hnuaia mobile phone number tarlanahte hian office hun chhungin zawh fiah theih reng a ni e:

Promotion Officer (Marketing) – I    9862228230

Promotion Officer (Marketing) – II    9862362767

Promotion Officer (Marketing) – III    9862786382