Meth. nia hriat thahnem tak man

Vawiin (29.4.2025) chawhma dar 9 - 10 bawr vel khan CID (Special Branch) chuan methamphetamine ni ngeia hriat thahnem tak an man.

Bengvarna thudawn danin, CID (SB) te hian Zemabawk North Presbyterian Biak In thlang kawngpuiah Champhai lam atanga Aizawl pan lirthei pahnih la thar tak KIA car ve ve MZ 01/AC & 3237 leh MZ 01/AD 6157 atangin methamphetamine ni ngeia hriat kgs. 47.511 an man a, tualchhunga hralhnaah chuan cheng vbc. 7 man vel a ni.

CID (SB) te hian hun eng emaw chen an chan hnuah an motor rinhlelh hi chang chhuakin, an endik a ni. Lirthei khalhtute hi Aizawl leh Champhai nia inchhal an ni a, a neitu tak an nih rin a ni lo. Uluk taka chhuizui mek a ni.