Insawifiah turin hriattir

Champhai DCSO CC Sakhawliana chuan nimin (28.4.2025) khan ration card thar hralhna man chungchangah a hralhna tura bituk aia toa hralh retailer-te insawifiah turin a hriattir.

Champhai DCSO hian All Retailers Under Champhai & Suburbs tia lehkha thawn chhuakin, 'Ration card thar hi Rs. 20 a hralh tur a nih laiin, engvanga a aia toa hralh nge i ni tih ni 2.5.2025 ral hma ngeia Champhai DCSO-ah nangmah ngeiin ziakin insawifiah tura hriattir i ni. Rs. 20 aia toa i hralhna zawng hi mipui hnenah pe kir leh vat tura hriattir i ni,' a ti.