Qualified lote ban phut

MSU chuan vawiin (13.3.2025) chhun hian Aizawl Press Club-ah press conference neiin, college-a thawk tura asst. professor atana lak qualified lo (NET emaw Ph.D nei lo) te chu ban an phut thu an sawi.

MSU hruaitute chuan Covid-19 len lai khan asst. professor 100 leh a hnu deuhah 46 lak an nih thu sawiin, 'Eligibility phal lo (NET emaw Ph.D nei lo) an awm nual. Mah se, an thawh chhunga NET leh Ph.D nei lehte pawh an awm. Sorkarin pawhin vawi tam tak hun a lo pek thin tawhte an ni a, vawi tam tak chance pek an nih hnu pawha qualify thei lote chu ban ngam a, hnawl ngam turin sorkar kan ngen a ni,' an ti.

Sorkarin qualified lote thawh chhunzawm theihna tura February 21, 2025 thleng approval pek chhuah sut leh ngei an phut a, sut a nih loh chuan hmalak zel an tum thu MSU hruaitute chuan an sawi.