YMA Village Profiles Apps tlangzarh

Vawiin (12.3.2025 (Nilaini) chawhnu dar 2:00 khan Central YMA Committee Room-ah YMA Village Profile Apps chu Central YMA President Lalhmachhuana'n a tlangzarh. 

CYMA President chuan thu sawiin, 'Tunlai khawvel thang chho zelah YMA-te pawh hma kan sawn chho zel a ni. YMA member mai ni lo, vengchhung/khaw chhunga mihring chengte dinhmun kimchang dah khawmna tur Village Profile kan nei thei ta hi a lawmawm tak zet a ni. YMA-in bung thar a kai dawn niin a lang a, Branch YMA ten veng mipui chhinchhiah a kumtin an ziah thar thin chu a ngai tawh dawn lo,' tiin YMA-in hmasawnna kawng a zawh zel chu lawmawm a tih thu a sawi. 

CYMA General Secretary Prof. Malsawmliana sawi danin, Vllage Profile Apps hi Lailen Consulting Private Ltd siam a ni a, Mizoram Sawrkar nen tang tlang a siam a ni. YMA mai bakah sawrkar tana data tangkai tak a la ni dawn. Village Profile siamna atan hian CYMA chuan Home Department atangin cheng nuai 10 an dawng a, hei hian a siamna mai bakah kum eng emaw chen a enkawl zui zelna tur a daih dawn. 

Village Profile App hi Aizawl City Branch 6 ah hman chhin phawt tura ruahman a ni a, a siamtu Lailen Consulting Pvt. Ltd atangin inhrilhfiahna hun hman a ni.