Congress Party-te police-in an dang

Congress Party mi leh sate chu an MLA C Ngunlianchunga laka Assembly House chhunga, Chief Minister Lalduhoma chetdan avanga lungawi lohna Assembly House tuala lantir tumin chhun dar 12:15 vel khan an pungkhawm. 

Assembly House thlen hma deuhah police-in lo dangin, minute 5 vel an innawr buai hnuah magistrate-in a remtihna chinah thusawi tur bika tihte'n thu an sawi mek. Thu an sawina hmun hi police-in an lo danna bul chiah traffic point niin, thusawi tur leh anmahni dinpui turte bak erawh an danna hmun pelh an phal lo. 

Police-te chu Assembly House bul lehlam lehlamah barricade nen an duty a, heivang hian Assembly House bulah lirthei tlan tlang theih a ni lo.