Sawhthing la lei tlem?

Nimin (3.4.2025) khan Aizawl DC Office Hall-ah District Agricultural Marketing Committee (DAMC), Aizawl District buatsaihin Aizawl District chhunga sawhthing Secondary Collection Centre (SCC) puipate tan training buatsaih a ni a, Aizawl DC leh DAMC Chairman Lalhriatpuia'n a kaihhruai. 

Training-a tarlan a nih danin, Aizawl District huamchhunga sawhthing lei nan sawrkar tangin procurement fund 1st installment-ah cheng nuai 187.50 leh 2nd installment-ah cheng nuai 187.50, a vaiin cheng nuai ₹ 375.00 dawn tawh a ni. He fund atang  hian cheng nuai 138.087 man sawhthing 2761.74 qtls lei tawh niin, cheng nuai ₹236.913  balance a la awm.

Aizawl District huam chhungah sawhthing 26,759 qtls lei tur la awm thei tura beisei a ni. East pahileng leh Thingsulthliah SCC a sawhthing 341.82 qtls (185.84+155.98) chu Karnataka Spice Trading ten ₹20/Kg in an rawn chhang a, March ni 25 khan thawnchhuah vek tawh a ni.