e-KYC tih hun chhung pawtsei

Food Civil Supply & Consumer Affairs (FCS&CA) Department chuan hriattirna ti chhuakin, ration card eng leh pawl neite tana e-KYC tih hun chu March 31 atangin April 31, 2025 thleng pawhsei a nih thu an tarlang. 

FCS&CA Dept chuan Ministry of Consumer Affairs, Food and Public Distribution, Department of Food and Public Distribution, Government of India thu chhuak angin, tuna NFSA (Card Eng leh Card Pawl) a hming chuang zawng zawngte tana e-KYC kalpui mèk hi April 30, 2025 thlenga pawh sei a ni, an ti. 

An tarlan danin, Central Sawrkar thuchhuak angin, e-KYC ti ve lote tan a thlawn a dawn fur Central Sawrkarin State Sawrkar-ah ration buhfai a pék kèp tawh dawn loh avangin card eng leh card pawl a hming chuangte chuan April 30, 2025 ral hma ngeia e-KYC tih ngei tur a ni.

Tarlan tawh angin, Supreme Court of India chuan National Food Security Act (NFSA) hnuaia ration la mihring/chhungkaw member zawngte zawngte (card eng leh card pawl) chu tichiang turin thupek a chhuah. He beneficiary tih chian hna hi retailer kal tlanga tih tur a ni a, mahni ration lakna retailer theuh-ah e-KYC hi kut zungthla nem (biometric authentication) hmanga tih tur a ni.