Tlawng Lei dawhkai turin peih tawh

Aizawl SP chuan vawiin (3.4.2025) hian notification ti chhuakin, Aizawl to Lengpui road via Sihhmui kawnga Tlawng Lei (bridge) dawh that hna thawh mek chu Tlawng Lui chunga a awmna turah dawh kai tura peih fel a ni tawh tih a tarlang.

Hna thawh hun chhung hian road block a ngaih dawn avangin leh hnathawktuten tluang tak leh ngawrh taka an thawh theih nan leh Sr. Executive Enginner, PWD, National Highway Division-I, Aizawl in a dil angin he kawng a lirthei tlan dan tur a hnuai a mi ang hian Aizawl SP chuan thupek a chhuah. 

1. Ni 06.04.2025 (Sunday) tlai dar 4:00 atanga ni 08.04.2025 (Tuesday) tlai dar 5:00 chhung hian Sihhmui leh Lengte peng inkar kawngpui hi khar tur a ni a, lirthei eng chi mah tlan phal a ni lo.

2. Lengpui Airport leh Mamit lam kal tur leh heng hmun atanga Aizawl kal tur lirthei te'chu Buichali lamah kal tur a ni ang.

He thupek bawhchhia chu u/s 179 Motor Vehicles Act, 1988 hmanga hrem theih an ni ang.