Raltlan awm belh leh sumdawn phal lo

Dawrpui Vengthar Local Council leh YMA chuan thuchhuah siamin, an veng chhunga raltlan awm belh, sumdawn leh hming hawhtir phal a nih loh thu an tarlang.

Dawrpui Vengthar YMA leh LC thuchhuah : 

1. Dawrpui Vengthar huamchhunga raltlan awmte zingah Temporary Identity Card la nei lo te'n April 2025 chhung ngeiin Local Council hnenah Rs. 50/-chawiin siam vek tur a ni. Siam duh lo emaw nei lo emaw chu kan vengah awmzui zel a rem tawh lo vang.

2. Dawrpui Vengthar huamchhungain luahtur neite'n tuna raltlan awm bak hi chu in luahtir tawh loh tur a ni. Raltlan mi inluaha awmte avanga khawtlangah harsatna a thleng a nih chuan In neitute'n mawh an phur ang.

3. Dawrpui Vengthar huamchhungah raltlante'n dawr an siam leh sumdawn phal a ni lo a, vengchhungah thil zuara vah kual pawh phal a ni lo.

4. Dawrpui Vengthar mipuite, inhmun lo ram hralh tur neite'n ram leilung fate ngei hnenah lo chuan (sawrkar dan dinglai angin) hralh phal a ni lo.

5. Inhmun lo ram lei leh hralh bakah, sumdawnna chungchangah hming hawhtir phal a ni lo a, hming lo hawhtir an awm a nih chuan dan anga action lak a ni ang.

6. Raltlan pemchhuak turte'n Local Council leh Branch YMA hriatpuina an la thin tur a ni.

7. Raltlan tan zan dar 10:00 hnulamah pawn chhuah phal a ni lo.

8. Raltlante zingah zu leh ruihhloa inhnamhnawih an awm a nih chuan Dawrpui Vengthara an awm a rem lo.