Mass casual leave la leh dawn lo

All Mizoram CSS Employees Coordination Committee (AMCECC) ten chuan thuchhuah siamin, sorkar lakah lungawi lohna kan lantir mek chungchangah DP&AR Minister K. Sapdanga, Adviser to CM (Political) Lalmuanpuia Punte, CS charge la mektu H. Lalengmawia, IAS leh DP&AR hotute nen kan thil phut hrang hrang sawiho a nih hnuin an thil phutte tihhlawhtlin dan kawng dappui an tum tih an tarlang.

AMCECC tarlan danin, AMCECC Executive Committee ni 19.04.2025 a thukhawm chuan mass casual leave hi kalpui tul hrih loah a ngai ta a ni. Sorkarin an lungawi tawkna ruahmanna tha tak min siam sak zel an beisei. Sorkar hmalakna a vuaicha viau a nih chuan an awm zel dan tur chu executive committee in a rel leh ang.

Heng a hnuai a mite avang hian AMECC chuan April  21,22,23, 2025 chhunga mass casual leave la tura executive Committee-in a lo rel tawh chu thulh rih a ni. 

1. DP&AR Minister hoa an sawi, initial appointment (Ref - Regularisation of CSS Scheme, 2024, point no 4, sub no(a) Same post under the same scheme) chu service seniority chhiarna atan hman theih a nih tur thu an dawn avangin. 

2. DPC chungchangah CSS Scheme-in a phut ang taka CSS concerned department-in proper recruitment process anga lak chu pawm theih a nih thu DP&AR hotute atanga an dawn avangin. 

3. Corresponding post chungchangah DP&AR Minister chuan representation thehlut tura a tih ang leh a tul anga bawhzui sak zel a inhuam avangin. 

4.  Lalmuanpuia Punte, Adviser to CM (Political) chuan ‘no work no pay’ order chu sut leh tura chak taka hmalak a tum avangin.