Thingdawl VC-II in Kolasib DM an thlawp

Thingdawl Village Council (VC) II chuan thuchhuah siamin, Thingdawl Plolytechnic Building-a dah kuhva rah man sa lilam chungchangah Kolasib District Magistrate an thlawp thu an tarlang.

Thingdawl VC-II thuchhuah : 

Kolasib Bawrhsap Pisapui Press Statement Dt.21.4.2025 angin Kum 2022 vel atanga man tan tawh Thingdawl Polytechnic Building-a Kuhva ro Bag engemaw zah Sipai engemaw zah ten Kum 2 chuang ven tawha awm chu Polytechnic Building chei that angaih tak avanga, District Court in District Magistrate kuta a dah fel tawh, Magistrate phalnaa auction (lilam) anih tak hnuah Polytechnic Building chei that ani thei tur te, Sipai indaihlohna a awm mek laia, Kuhva Ro lilam tak anih avanga, ven ngai tawhlo tura District Magistrate ruahmanna hi keini Thingdawl Village Council - II te chuan thuthlukna fing tak niin kan hria a, hmasawnna hna Polytechnic Building chei that a ni thei tur pawh hi lawmawm kan ti tak zet a ni.

District Court remtihna thlapa District Magistrate in a thuneihna anga lilam anih lai mekin Political Party thenkhat ten mipui fuihpawrhna ang zawng leh Politics thila hmingthat lak tuma hma rawn lak an tum thin hi keini Thingdawl Village Council -II te chuan atha lo kan ti hle mai a, hei hi Tuirial Bial chhungah  Politics thil-ah inchirhthehna leh hmingthat lo lak tuma hmalakna awm thin hi kan duhlo tak zet a, Hetianga DC hmalakna hi Village Council - II Thingdawl te chuan kan thlawp tlat a ni.

Tuirial Constituency huamchhungah boruak tha lo ang lek lek a,  Political Party ten hma an lo lakna ang chi reng reng hi kan duh lo a, District Magistrate in ruahmanna fel tak alo siam tawhna anih avangin,  keini Thingdawl Village Council -II te chuan hetiang hi thleng zui tawhlo se kan duh takzet a, District Magistrate hmalakna hi kan thlawp a ni.