Sumdawngten Home Minister an ngen

Sumdawng pawl intelkhawm Mizoram Merchant Association (MIMA) chuan vawiin (1.7.2025) hian Home Minister K Sapdanga a office-ah kawmin, ILP uluk leh felfai taka kal pui turin an ngen.

Kan hma lawkah hian rel chuan Mizoram a rawn lut tan dawn tih tarlangin MJMA chuan, 'Rel rawn lut tur hian thatna tam tak neiin, eng emaw kawng zawng chuan kan hnam tan that lohna pawh a rawn keng tel ngei dawnin MIMA chuan a hria a ni. Chuvangin MIMA chuan kan ram leh hnam kan la him hram hram theihna anih beiseiin Home Minister hnenah rawtna leh ngenna thlen ni,' an ti.

MIMA tarlan danin, Mizoram chu special area kan nih angin rel lo lut mai turah hian ILP hi felfai leh uluk leh khauh taka kalpui ngei ni se. Tin, tun hmaa ILP kan lo kalpui dan ang mai maia ILP hi kalpui a nih chuan hnam inchim ralna kan hlat dawn lo hle. Eizawnna kawnga chimral kan nih lohna turin ruahmanna fel fai tak siam turin Home Minister hnenah  ngenna thlen a ni. 

Tun hmaa ILP enforce danah hian  tha viauin lang mahse, thenkhatah duh khawp lohna a awm thin. Entirna pakhat Vishal Mega Mart neitupa Rajesh Mishra trade license neihdante hi, Mizo ni loten trade License an dil dawn chuan 2yrs. Validity ILP an neih a ngai. MIMA GS-in RTI a zawhna chhannaah chuan ni 28. 2.2017 ah 2yrs. Validity ILP hi Rajesh Mihra hian a dila, chutih laiin a dil hma ni 7, ni 21.2.2017 ah trade license a lo hmu daih tawh a ni.

Hei mai bakah hian tun hnai mai, ni 31.1.2025 khan Lengpui Airport a ILP pek dan fel lo tak hmuh chhuah leh a ni. Ranijani, Meerut, UP a mi chuan Lengpui Airport-ah temporary ILP a dila, chu ILP an pekah chuan a phone number ziah turah a blank-in pek a ni a, purpose of visit ah puan than zuar tih a ni. Puanthan hi a rawn zuar dawn em ni tih tur a ni. Hetiang anih avang hian rel meuh a lo lut dawn a nia, uluk leh khauh taka ILP enforce dan kawng ngaihtuah hram hram turin Home Minister hi an ngen a ni. 

MIMA rawtna :

1. Rel lo luhna tantir Bairabi Rail Sation a, tuna ILP checkgate hi tih changtluna, fimkhur leh uluk taka ILP hi pek chhuaha, ILP neisa thlenga uluk taka check mai bakah, computerise vek ni se. 

2. Bairabi leh Sairang Rail Station nen a inkar roadside station leh halt station, Sairang Station thlenga chhuk leh lo chuang lutte, uluk leh fimkhur taka ILP hi tih nise.                     

3. Sairang Rail Station pawh passenger-te kal darh nghal mai theih loha hung bawk nise