Kan hotupa thin ral zingah a tel

Vawiin (16.7.2025) chhun khan Information & Public Relation (I&PR) Minister Dr. Vanlalthlana chuan I&PR Conference Hall, Lianchhiari Run, Aizawlah, nikum leh kumina Mizoram Journalist Association (MJA) member boralta te pualin lusun chhungte hnenah sawrkar ralna (ex-gratia ) a hlan.

Ex-gratian hlan zingah hian Bengvarna lama kan hotupa ni 23-03-2025 a min kalsan ta, H Lalngaihawma (Angaiha Huha) a tel a, a nupuiin ralna pawisa a dawng. Accredited journalist a nih angin Rs. 1,50,000 in kan hotupa hi ral a ni. Kan ngaiin kan lung a va ti leng tak em. Angaih kan ngai a che.

Vawiina MJA member thi, sawrkarin a ral dangte : 

1.    Lalhmingmawia Pachuau, Pasaltha Daily Chanchinbu Editor, ni 21-11-2024 a thi

2.    Johan Lalhmunmawia, News Stringer, DDK, Lunglei, ni 02-12-2024 a thi

3. T.C. Lalmuankima, Correspondent, RNU, AIR, 23-12-2024 a thi

Sawrkar chuan accredited journalist thite chu Rs. 1,50,000 leh non-accredited journalist boralte chu cheng Rs. 1,00,000/-in a ral a ni.

(Kan rilru a tharin, kan va ngai tak em. Bengvarna tlawh ve thinte pawhin min tawrhpui ngei kan ring)