Zu thahnem tak an man

Tukin (4.9.2025) khan Lunglei Police hnuaia DSB staff leh Assam Rifles tangkawp chuan a senchi leh rakzu thahnem tak an man.

An thudawn bawhzuiin DSB staff leh Assam Rifle-te hian joint operation an nei a, Mausen leh Haulawng inkarah an lirthei rinhlelh Grand Vitara MZ/01 AC - 7954 an lo tiding a ni.

Motor hi Lunglei Police Station panpui a nih hnuah endik a ni a, a senchi (Iconic White Whisky) um puitling bottles 82, Rs. 98,400 man hu leh rakzu litres 350, Rs. 1,75,000 man hu hmu chhuakin an man.

Zu kaihhnawihah hian Hawlmiluna (38) leh a nupui Lalrinzuali (39), Phunchawng man an ni a, thubuai an siam sak.