Champhaiah chhiatna a thleng

Ni 4.9.2025 leh ni 5.9.2025 zana ruahsur nasa avangin Champhai Vengsangah leimin, leivung tawlh leh lungrem chim avangin hmun thumah chhiatna a thleng.

Chhiatna thlenna hmunte hi Champhai DC Office atangin disaster management lama mawhphurhna changtuten kal chilhin, thil awmdan an enfiah bakah a tul angin sawrkar atanga tanpuina awm theite an ruahman nghal.

Ni 4.9.2025 zan khan Champhai Vengsang Village Disaster Management Committee kaihhruainain in chhia-a buangrua leh mutbute seng hawi nghal a ni a, niminah khawtlang huapin hnatlang an nei zui nghal.

Vengsanga chenna in chhiate : 

1. UPC Biak In lungrem chim chuan a thlanga T. Lalzarmawiate chenna In hmun thenkhat a ti chhia. Rs.6,500 DM&R atangin tanpuina pek a ni ang.

2. T.Lalzarmawiate thenawm ⁠Lalrinawmite chhungkaw chenna In chu luah zui tlak loha a chhiat vek avangin  Rs.1,30,000 DM&R atangin pek a ni ang. 

3. Assam Rifles tlang atanga leivung leh chirh luang thla in Vanhlupuiite chenna in a hnawl chchia a, anni hi DM&R atangin Rs.1,30,000 pek an ni dawn.

Heng tanpuinate SDRF atanga pek tur a ni.