Dynamo-in a man vangin thi?

Shimoto (28) s/o Jyotirmoy, Marpara South, Lunglei District chu vawiin (29.9.2025) hian luiah thia hmuh a ni a, dynamo man vang nia hriat a ni.

Shimoto hi nimin khan dynamo hmanga sangha man turin Jurosury Luiah a kal a, zankhuaa a haw loh avangin a nupui mangang chuan tukin khan a zuk ngaihven a, luiah hian a ruang a zuk hmu a ni. A nupuiin a zuk hmuh hian dynamo hi a lo la nung a, a nupui hian a zuk off sak a ni.

Bunghmun Police-te chu thil awm dan enfiah turin Marpara South-ah hian an kal nghal a, buaipui ngai hrang hrangte buaipui a nih hnuah Shimoto ruang hi a chhungte hnena hlan a ni.