Lily Darnei-i'n IIM-ah MBA a zir

Beauty pageant-a Mizoram ai lo awh tawh, Mizorama cheng ni chiah lo mah se, Zoram mipui, a bikin thalai tam takin an duh Lily Darnei chuan IIM, Nagpur-ah Master of Business Administration (MBA) a zir mek. IIM a luh phak hi thil awlai lo tak a ni.

Zonet buatsaih Miss Mizoram, 2018-a top 5 Lily Darnei, Shillong, Meghalaya hian MBA zir tur hian CAT a paltlang a, kumin July atang khan MBA hi a zir. Tluang taka a zir chuan kum hnih chhungin a zir zo ang.

Film khawvelah pawh 'Keimahni' star Lily Darnei hian modelling leh film lam chawlhsan leh san loah thutlukna a la siam loa, MBA tha taka zir zawh phawt chu a tum a ni ber rih.

Bengvarna zawhna chhangin Lily Darnei chuan a lehkhathiam thei a nihve thin thu a sawi. Bachelor degree chu Shillong-ah zoin, HSSLC chu Guwahati-ah a zo thung. Model leh filmstar ni chungin zirna lamah pawh a duai lo hle.