MZP-in charge an inhlan

Vawiin September (22.9. 2025) chawhma dar 11:00 khan MZP Conference Hall-ah MZP General Headquarters OB kum 2025-2027 term chhunga hruaitu tharte hnenah hruaitu kal chhuakten charge an inhlan.

Kum 2025-2027 chhunga atan MZP President Dr.  C. Lalremruata chuan MZP hi zirlaite tana innghahna tlak leh rin tlak a nih zual zel theihna turin hma lak a ni dawn tih sawiin, 'Hnamdang (vai) dan loa rawn sumdawngte lakah leh an hming lo hawhtir tute chungah dan angin na takin action lak a nih theih nan hma kan la dawn a ni,' a ti.

MZP chu Mizo Zirlai Pawl kan nih angin zirna an ngai pawimawh dawn tih sawiin Dr. C Lalremruata chuan, 'Zirnaah kan let leh angai tak zet a ni. Mizoram hi India ram chhung state a ziak leh chhiar thiam awm tamna kan nih angin, All India Service leh Central service lamah inziah tlin tuma ṭan kan lak a ngai tak zet,' tiin Mizoram chhungah sawrkar hna a van tawh avangin, hna latute fimkhur tur leh a tling leh a tlakte ngei chauh la turin thuneitute a ngen nghal a ni. 

Dr. C. Lalremruata chuan zirlai harsate tanpuina turin 'Students Aid Fund' siam a a ni dawn tih sawiin, 'Ram dang leh state danga an lo tih thin angin, zirlaite'n placement an hmuh theihna turin hmalak a ni ang. Mizo zirlai tam zawkin ram danga zir zawm theihna tur (scholarship & guidance) ngaihtuahpui turin chak taka hmalak tum a ni,' a ti.

MZP General Headquarters kum 2025-2027 chhunga hruaitute:-

1. President: Dr. C. Lalremruata

2. Vice President: Sanghmingthanga

3. General Secretary: C. Lalhmingsanga

4. Asst. General Secretary: Lalentlinga

5. Treasurer: Rothanliana

6. Finance Secretary: Nangsawmthanga