Mizo Idol judge turte a hriat ta

LESDE Mizo Idol Season 8 intihsiakna neih meka endiktu turte a hriat ta a, Judge thar pathum-in intihsiakna an endik dawn. Zonet chuan LESDE Mizo Idol Season 8 Judge tur hi vawiin (16.9.2025) hian a puang.

Mizo Ido judge turte hi zai leh rimawi bakah hlaphuah lama tawnhriat ngah tak K. Hminga te, zaithiam lar Jaui leh Mizo Idol Season hmasa bera pathumna Hmingtea te an ni. Anni pathum hian kar leh Thawhlehni, September  23, zan dar 8 a 1st round intihsiakna tan tur chu an endik nghal dawn a ni. 

Zonet buatsaih LESDE Mizo Idol Season 8 neih mekah hian zpplication form lak chhuah ngai loin, Virtual Audition hmangin Augsut n15 atang khan mahni zai lai video theh luh theih a ni a, video theh luh theih hun tawp August  31 thleng khan mi 716-in an zai lai video an theh lut a, heng video luhte hi endik a nih hnuah tun thla i 9 zan khan audition result hi puan niin, mi 105 in first round an lut.

Mi 105 hian tun thla ni 23, zan dar 8 atangin 1st Round intihsiakna an tan a ni dawn a, intihsiakna hi Zonet Studio atangin live-a pek chhuah thin a ni dawn a ni.