Siamthat a ni dawn

ZPM Coordination Committee vawiin (18.9.2025) a thukhawm chuan CSS Employees Regularization Scheme, 2024 chungchang an thlirho.

Committee chuan, CSS Employees Regularization Scheme sawrkar hmasa (MNF) lo duan sa chu tidanglam loa hman a nih thu tarlangin, hei hi a khirhdeuh niin a hria a, 'CSS Employees Regularization Scheme hi dan in a phal chinah awlsam deuh zawk a siam that leh nise,' an ti.

CSS Employee-te mipui harsatna siam tawh loa hna ngai chhunzawm tawh turin ZPM Coordination Committee chuan an ngen nghal.

Meeting hi Chief Minister Lalduhoma, DPAR Minister K Sapdanga, Minister C Lalsawivunga, Minister Dr Vanlalthlana, Minister C Lalsawivunga, ZPM President Lalliansawta leh ZPM hruaitu thenkhat an tel.

Hetihlai hian vawiin hian AMCECC bultumin CSS hnuaia thawkte chuan lungawi lohna an lantir chhunzawm a, Aizawl, Lunglei, Siaha, Champhai, Kolasib, Serchhip, Mamit, Saitual, Khawzawl, Hnahthial, Ngopa, Phullen leh Suangpuilawnahte mi thahnem tak an pungkhawm.

ZPM Coordination Committee thutlukna avang hian CSS hnuaia thawkte hian lungawi lohna lantir an titawp dawn em hriat a la ni lo.