Defamation case vangin court-ah inlan

Lungrang South VC-te chu nimin (17.9.2025) khan ZPM Lunglei South Block-III President leh Secretary laka defamation case an thehluh kalzelah Lunglei District Court-ah an inlan.

Lungrang South VC-te hian court-ah ZPM Lunglei South Block-III hruaitute hi dawt hmanga anmahni ti mualphoaah puhin, an ukil kaltlangin show cause notice an pe a, ni thum chhunga ngaihdam dilna thuchhuah siam tur leh Rs. 1,00,000 chawi turin an phut a ni.

ZPM Lunglei South Block-III hruaitute hian an phut anga an tih loh vangin Lungrang South VC-te hian June 4, 2025 khan court-ah defamation case hi an thehlut a ni.

Court chuan ZPM Lunglei South Block-III hruaitute chu insawifiah turin August 13, 2025 khan a ko tawh a, nimin khan Lungrang South VC-te hi a ko veleh a ni.

ZPM Lunglei South Block-III te hian June thla tir khan thuchhuah siamin, Lungrang South community hall chu MNF sorkar laia SASCI sum hmang siam, hnathawktu a thih avanga Lungrang South VCP-in a enkawl chhunzawm nia tarlangin, mahni khawtlang ro thil hmanraw chhe tak hmanga thawh a ni chu pawi an tih thu an tarlang tel.