Synod Moderator-in lungphum a phum

Nimin (September 17, 2025) khan Lunglei Synod House sak thatna tur lungphum chu Synod Moderator Rev. R.C. Lalnghakliana’n a phum a, Synod hruaitute leh Chhim Bial Committee-te an tel a ni. 

Lunglei Synod House hi kum 1990-a sak tawh a ni a, a building a hluiin a him tawk tawh lo nia hriat a ni. Chhim Bial Committee chuan Synod Trust Committee-ah sak that dilna a thlen a, hmalak chhoh a ni ta a ni. Building sak that tur hi Mizopa chhiara chhawng ruk tur a ni a, zawm belh leh theih tura ruahman a ni.

First floor-ah hian Synod Office a awm ang a, ground floor-ah parking area, store room leh canteen a awm ang a, basement-ah drivers & chowkidar quarters leh store room a awm ang.

Second floor-ah hian administrative quarters, guest room 2 leh store room 2 dah a ni ang a, Third floor-ah hmeichhia leh mipa tan dormitory leh guest Rlroom 2 leh fourth floor-ah hian conference room leh store room-te a awm ang.

Synod House Building, Lunglei sak that nan hian Rs.17,98,66,000 ruahman a ni a, November 3, 2025 ah tanin thla 42 chhunga sak zawh tur a ni ang.