CCM hruaitute an thukhawm

Vawiin (September 18, 2025 (Ningani) BCM Headquarters Office, Serkawn-ah Council of Churches (CCM) Mizoram Executive Committee Meeting vawi 3-na neih a ni a, ruihhlo do kawnga hmalak an rel.

Meeting hi CCM President Rev. Dr. R. Lalbiakliana'n a kaihruai a, CCM General Secretary Rev. Dr. Lalhmangaiha'n report tlangpui a pe. Report-ah hian society registration chungchangte, working committee hmalaknate CCM inkhawmpui thlengtu tur ruat chungchangte leh publicity chungchangte ngaih thlak a ni. 

Meeting-ah hian CCM Office Building sakna tur CCM Special Budget siam chungchang te, rampum huap programme siam chungchang te, CCM-Women Assembly leh CCM-Youth Assembly din chungchangte rel niin, Working Committee kutah dah nise tih a ni.  

CCM in ruihhlo do kawngah hmalak ni se, hmalak dan tur hi Working Committee-in ruahmanna lo siam se, Executive Committee-ah ennawn leh nise tih a ni. 

Council of Churches in Mizoram hi October 27, 2024 (Pathianni) khân Mission Veng Presbyterian Kohhran Biak Inah din a ni a.

CCM-a tel mekte :

1)Mizoram Presbyterian Church.

2)Baptist Church of Mizoram

3)Evangelical Church of Maraland.

4)Lairam Isua Krista Baptist Kohhran.

5)Evangelical Free Church of India.

6)Isua Krista Kohhran Bualpui.

7)Independent Church of India

8)Wesleyan Methodist Church of Mizoram

9)Zomi Baptist Church