Heroin eng emaw zat an man

Champhai Police-te chuan nimin (17.9.2025) tlai khan Chalbawiha Junction, Khankawn Police checkgate-ah heroin eng emaw zat an man.

Champhai Police hnen atanga Bengvarna thudawn danin, police duty-te chuan Champhai atanga Aizawl pan maxi cab an endiknaah passenger pakhat Vanlalnghaka, Tualcheng, tuna Ramhlun South-a cheng mek nia inchhal chu an ringhlel a ni.

Thuhretute hmaah thuzawhfiah niin, police-in an endik ngai loin a kekawra a thuhruk heroin grams 24, Rs. 72,000 man hua chhut chu a phawrh chhuak. Vanlalnghaka hi thubuai siam sak a ni.