Lungawi lohna lantir la titawp lo

All Mizoram CSS Employees Coordination Committee (AMCECC) chuan an member-te tana hriattirna ti chhuakin, lungawi lohna lantir an la tih tawp loh thu an tarlang. 

Tarlan tawh angin ZPM Coordination Committee chuan vawiin (18.9.2025) khan CSS Regularisation Scheme ennawn turin thutlukna an lo siam tawh a ni.

AMCECC Hriattirna (a ngai ngain)

Kan hriat angin vawiin khan ZPM Coordination Committee chuan kan chungchangah thuchhuah an rawn nei ta a. Sorkar laka lungawilohna kan lantir chungchangah theihtawpa min ngaihventu leh palai hnathawktute zawng zawng chungah AMCECC Gen Hqrs chuan lawmthu a sawi mawlh mawlh a ni. Tun dinhmunah kan strike hi call off a la nilo.

Naktuk zing dar 7:30am hian DP&AR Minister zahawm tak, Pu K Sapdanga ho in OB ten kan thu kal mek chungchang an sawiho leh dawn a. Memberten kan kal zel dan tur kan ngaichang zel dawn nia.

Naktuk dar 12:00pm hian AMCECC Extended Committee pawimawh tak koh nghal a ni bawk. He meetingah hian AMCECC hnuaia Affiliated Association OB te, Executive Member zawng zawng leh, AMCECC Sub Hqrs. OB leh Executive te kim taka kal turin kan inhriattir e..