CM leh EDII DG an inkawm

Vawiin (18.9.2025) chhun khan Chief Minister Lalduhoma chuan a office-ah Dr. Sunil Shukla, Director General, Entrepreneurship Development Institute of India (EDII) chu a kawm a, Mizoram Entreprenuership Development Institute (MEDI) din dan tur a sawipui.

Chief Minister chuan, EDII Director General hnenah hian, 'Rawtna in rawn neihte hi a huam a zauvin department kaihhnawih a ngah hle mai a, inrawnkhawmna zau zawk neih a tul dawn. Coordination Committee din a, chak taka bawhzui kan tum dawn nia,' a ti.

Dr. Sunil Shukla hian, Mizoram Sorkarin hmunhma min pek theih chuan CSR fund an zawn khawm leh central scheme atanga fund awm theite hmangin entrepreneur & skill lamah hmeichhiate leh zirlai naupangte tan institute tha tak MEDI an din theih tur thu a sawi.

A sawi danin, a tir lam kum 5 chhungin entrepreneurship te, skill training te, start-up te, incubation leh mentoring lamte takin an kalpui ang . Kum 8 vel chhunga mahnia campus nei theia din an tum zui dawn a ni.

EDII hi kum 1983 a din niin Gandhinagar, Gujarat-ah hmunpui neiin, state tam takah Entrepreneurship Development Centre an din tawh a ni.