Quarter luah theih hun pawtsei

Ainawn Venga sorkar quarter-a chengte'n quarter an luah theih hun chhung tur pawhsei a ni.

GAD chuan tunhnai khan order ti chhuakin quarter-a luahtute'n chenna tur in dang an zawnna tur hun tam zawk pek a tul nia a lan avangin Adviser to Chief Minister TBC Lalvenchhunga hoa Ainawn Veng Local Council leh NGO zawng zawngte'n ni 6.8.2025 a thu an rel angin quarter luahtute'n an quarter luahlai theuh an chhuahsan hun ruahman that a nih thu an tarlang.

GAD tarlan danin, an quarter luah dan a zirin an luah theih hun chhung tur a danglam hlawm a, October 31, 2025, November 30, 2025 leh January 31, 2026 thleng an luah thei hlawm ang.

Sorkar thuchhuah tarlan danin, Ainawn Vengah hian sorkar quarters 184 a awm mek a, type-1 88, type-II 56, type-III 24 leh type-IV 16 a ni. Phalna neia quarters luah chhungkua 125 leh phalna nei loa luah chhungkua 43 an awm.

Quarter-te hi him tawk lo a tama ngaih a nih vangin, thiaha sak that tum a ni.