Sa emaw tiin kap palh

Nimin (23.9.2025) tlai dar 5 vel khan Lalthanzama (43), Sailutar khua chu ramvakin sa emaw tiin a kap palh a, a ka chhawn loin a thi.

Thudawn danin, Lalthanzama hi a thianpa nen chakai khawrh turin luiah an kal a, lui an thlen hnuah an in then hrang. Lalthanzama hi kah a nih hnuah a kaptu pa inthiam lo hi a au a, chuta tang chuan a thianpa hian thil thlen dan a hre chho a ni.

Lalthanzama hi a hnung lamah kah nia hriat a ni a, hmun ngaah kah niin, silai mu pahnih chu a awm lamah a tlang. A kaptu hi an khaw mi tho niin, a inthiam lo takzet niin an sawi. Police lamin a tul angin hma an la.

Lalthanzama ruang hi vawiinah Darlawn Damdawi Inah postmortem a ni dawn a, chumi hnuah vui a ni ang.