Heroin thahnem tak an man

Champhai Excise & Narcotics Department leh Assam Rifles tangkawp chuan nimin (23.9.2025) khan heroin thahnem tak an man.

Zokhawthar bul, World Bank Road ah Excise & Narcotics Department leh Assam Rifles tangkawpte chuan joint operation an nei a, mi pathum - Malsawmkimi (24), Champhai Zotlang nia inchhal, Zarzosanga (23) Champhai Zotlang a cheng nia inchhal leh Joseph Lalmuansanga (25), Champhai Zotalng nia inchhal te kut atangin heroin hawng 120 (kgs 1.377), cheng 41,31,000 hu an man.

Mi pathumte hi Champhai Excise & Narcotics Department chuan ND&PS Act. tlawhchhanin thubuai an siam sak a, court-ah hruai an nih hnuin jail-a dah an ni.

Champhai Excise & Narcotics Department leh Assam Rifles te ruihhlo man hi a hlawma ruihhlo tawlhna (commercial quantity) a tlin phak avangin ruihhlo neitua puhte hian thiam loh an chang a nih chuan Kum 10 atanga kum 20 chhung jail tang tur leh cheng nuai 1 atanga nuai 2 thleng chawi tura hrem theih an ni.