Ruahmanna awmte an sawiho

Tukin (23.9.2025) khan Urban Development & Poverty Alleviation (UD&PA( Minister K. Sapdanga hoin, Aizawl Sustainable Urban Transport Project (ASUTP) hnuaia hmalaknate leh Temple Square leh Vaivakawn inkar kawng thawm thatna tura ruahmannate sawihona leh inhrilhhriatna, ‘Sensitization Meeting on Corridor & Junction Improvement Project under ASUTP’ chu Vaivakawn Auditorium-ah buatsaih a ni.

He hunah hian Aizawl West-II Bialtu MLA Lalnghinglova Hmar, MoS, UD&PA Secretary Lalmalsawma Pachuau, UD&PA leh PWD Department hotute bakah Tuikual, Dinthar, Dawrpui vengthar leh Vaivakawn khawtlang hruaitute an tel a ni.

UD&PA Minister chuan Aizawl Sustainable Urban Transport Project-in a tum ber chu, Aizawl khawpui a lo nawm zawk theih nan leh traffic zam nasa thinte a lo ziaawm zawk theih nana kawng tih zauh belh te, mipuite him taka an chet vel theih nana kalna nuam, footpath tha leh changkang zawk siamte a nih thu a sawi.

Meeting-ah hian ASUTP buaipuitura sawrkarin a rawih, Mott Macdonald Consultancy atangin Manish Rege, Team Leader, Project Planning, Design & Management Consultant leh HVL Zarzoenga, Programme Coordinator ten power point hmangin Temple Square leh Vaivakawn inkar kawng (1.87km) tih hmasawnna tura ruahmanna te an tarlang a, ruahman dan tlangpui chu hetiang hi a ni:

• Dinthar veng kawng pengthuam tih zauh (Junction Improvement)

• Temple leh Vaivkawn inkar kea kalna kawng thawmthat (Foothpath & Walkway Marking)

• Step - 22 awmte thawmthat (Imrovement of Staircases)

• Parking Zones leh Bus dinna changtlung zawka siam

• Retaining wall thawmthat ngaite thawmthat.

Khawtlang hruaitute duhdan leh ngaihdante ngaihthlak niin ruahmanna (DPR) siamnaah an telve theih nan kawng hawnsak an ni. Sensitization Meeting neih zawh a nih hnu hian UD&PA Minister leh West-II Bialtu MLA hian Vaivakawn (chuanhnuai) leh Hunthar Veng inkar kawng, Fire & Emergency Services Headquarters bula chhuak chu mipui tam zawk ten, tangkai zawka an hman theih nan, thawmthat theih dan tur an enfiah.