Zangnadawmna pe turin ti

Mizoram State Consumer Dispute Redressal Commission (Mizoram State Consumer Court) chuan thuchhuah siamin, National Insurance Ltd. chu an tih tur an tih that tawk loh avangin cheng nuai 5 chawitir an nih thu an tarlang.

MSCDRC tarlan danin, Vaivakawna cheng ZD Lalremthanga chuan a in leimin a tihchhia palh hlauhthawn thil thu-ah September 9, 2019 khan National Insurance Company Ltd atangin Standard Fire & Special Peril Insurance Policy cheng vbc. 1 claim theihna tur Rs. 32,450 in a lei a. National Insurance Company Ltd. chuan ama remtihna tel loin April 24, 2020 khan a insurance policy chu an cancel sak. A premium a pek let lehna turin a bank account-te thehlut turin tih nimah se, a thehlut duh lo.

Leiminin ZD Lalremthanga in chu a ti chhia a, March 5, 2021 chuan insurance chu a claim a; nimahsela chu a dilna chu National Insurance Company Ltd. chuan a hnawl sak a ni. Chumi avang chuan State Consumer Court-ah thubuai hi ZD Lalremthanga hian a thehlut a, a dil ang takin State Consumer Court hian National Insurance Company-te chu an tih tur a nihna ang taka an tih loh avangin zangnadawmna cheng nuai 5 chu ni 60 chhungin ZD Lalremthanga hi pe turin a ti ta a ni.