Mamawh huna koh theih tur

Hrangturzo Bialtu MLA Lalmuanpuia Punte hmalaknain Friends of  People chuan Oil India Ltd. (OIL) sponsonred-in medical team, mamawh hun apianga koh theih tur East Lungdar-ah an dah.

Medical team hi East Lungdarah an inbengbel a, team-ah hian doctor pakhat, nurse pahnih, health superintendent pakhat leh driver pakhat an awm. Serchhip District pum atana koh theih tura ruahman nimah se, East Lungdar RD Block an vil deuh ber ang. East Lungdar PHC-in ambulance an neih mek chu hman theih tura repair a ni a, khaw hrang hrangin an mamawh hunah koin an pan thin dawn. 

Damdawite pawh medical team hi an nei vek a, a thlawnin damlo an pe thin ang. East Lungdar hi an hmunpui tur a nih angin, hetah pawh hian pan theih an ni.

Vawiin (23.9.2025) hian free medical centre leh free ambulance bultanna hun East Lungdarah buatsaih a ni a, Bialtu MLA aiawhin East Lungdar BDO Peter Malsawmtluanga'n hun a hmanpui.