Ruang chhar finfiah tawh

Ni 20.9.2025 a Tuirial Airfield huam chhunga ruang an chhar chu, hun eng emaw chen tunge a nih finfiah a nih loh hnuah finfiah a ni tawh.

Bengvarna thudawn danin, Tuirial Airfield Venga ruang an chhar hi Vanlalhluna (41) s/o Vanlalhmuni, Zemabawk East a ni a, vawiin (22.9.2025) tlai khan vuiliam a ni.

Tarlan tawh angin ruang hi ni 20.9.2025 tlai dar 4 velah kawng atanga metres 200 vela hla luikawrah hmuh a ni. Tunge a nih finfiah theih a nih loh avangin Civil Hospital, Aizawl morgue house-ah dah a ni.

Theihtawp chhuaha khawtlang leh police-in hma an lak hnuah tunge a nih finfiah a ni ta a ni.