MNF-in hriatpui lo

Mizo National Front

General Headquarters

MNF chuan thuchhuah siamin, Manipur-a Mizo National Front - Integration Movement (MNF-IM) intiten ni 15.9.2025-a pawl din a, Mizoram nena inzawm emaw, Union Territory a awm emaw beiseia an hmalakna thu  September 16, 2025-a an puanzar chungchangah MNF General Headquarters chuan engmah hriatpui an nei lo tih an tarlang.

MNF hming an lo inphuah ve chungchangah pawh inzawmna pakhat mah an nei lo a ni tih puangin MNF chuan, 'Manipur-a Zofate inpumkhatna kawnga harsatna an tawh chungchang leh hemi kawnga inpumkhat lehzualna tura hma lak an tumna chungchangah pawh inrawn tawnna leh inbiakpawhna engmah MNF chuan a nei lo. MNF member zawng zawngte pawhin he pawl Manipur a MNF-IM din chungchangah buaina emaw inkungkaihna emaw, engmah kan nei lo a ni tih lo hre turin kan inhriattir a, Mizo Mipuite hriat atan Manipur MNF-IM leh Mizo National Front, General Headquarters, Aizawl, Mizoram hi inzawmna engmah a awm lo tih kan puangzar a ni,' an ti.