Final Electoral Roll tlangzarh

Vawiin (30.9.2025) chhun khan 2-Dampa(ST) AC Bial by-election lo awm tur atana Final Electoral Roll chu Mamit District Election Officer K Laltlawmlova'n DC Conference Hall, Mamit-ah a tlangzarh.

Dampa Bial MLA by-election neih huna hman tur Final Electoral Roll-ah vote nei zawng zawng mipa 10605 leh hmeichhia 10185 an vaiin 20790 an ni. Draft Roll atanga vote nei punna chu voters 385 a ni. 

Final Roll tlangzarh takah hian polling station 41 awmin, polling station pakhat zelah elector 507 awm ang an ni. Voters tlemna ber hi 2/12-Zopui Polling Station niin voters 30 an awm a, voters tamna ber hi 2/17 - Silsury -I Polling Station a ni a, voters 1103 an awm. Service Voters hi 115 a awm a ni.

Vawiin 2-Dampa (ST) AC Final Electoral Roll tlangzarh tak hi Pu K.Laltlawmlova, District Election Officer chuan Political Party aiawhte hnenah a hlan nghal a ni.