Truck-in naupang a chil hlum

Vawiin (30.9.2025) tlai dar 3 vel khan K Malsawmhlua (9), Thingdawl chu truck-in a chil a, a ka chhawn loin a thi.

Thingdawl atanga Bengvarna thudawn danin, Malsawmhlua hi Khuangpuilam, Kolasibah a kal a, an sikul bus-in a thlah haw lam kawng a cross tur chu truck, hnamdang khalhin a chil a ni. Tum dangah chuan an in peng, kawng cross ngai loah a chhuk thin a, vawiinah chuan a chhungten an lo nghahna hmunah a chhuk a, kawng cross a ngai.

Truck driver hi tlanchhe loin a theih angin a lo buaipui a ni. Kolasib Police-ten an man tawh. Malsawmhlua ruang hi postmortem tur a ni a, naktukah vui a ni ang.