Lirthei sawihonaah tel

India rama lirthei leh a kaihhnawih chanchin ziaktu (automobile journal) Auto Car India in rampum huapa sawi hona hun a buatsaihah Mizorama Maruti Suzuki Dealer: G.I.G Motors, CEO  John Lalpeka a tel.

Auto Car India-in India pumchhuak lirthei siamtute hmasawn dan leh a nghawng chi hrang hrang sawihona hun 'Autocar Regional Dialogues Programme' Vivanta Hotel, Guwahati-a vawiin (28.6.2024)-a neiah Mizoram- a Maruti Suzuki Dealer: GIG Motors, CEO  John Lalpeka hi panelist niin, sawihona hunah hian a tel. Mizo zingah he tiang sawi hona huna tel hmasa ber a ni.

Autocar India-in 'Autocar Regional Dialogues programme' hmanga sawihona hun a buatsaihah hian lirthei siamchhuaktute hmasawn dante bakah lirthei siam chhuahin ram leh mipui a nghawng dante sawi ho a ni a, tun tum a sawi hona hunah hian 'How Green are Dealerships?' tih chu thupuiah hman a ni.

India rama mi sawm bikten sawihona hun hi hmangin Pi Renuka Kirpalani, Consulting Editor, Autocar India chuan he sawi hona hun hi a kaihruai a ni.