The Skys is Ours tlangzarh a ni dawn

Tlangzarh a nih hma hauha sawi hlawh, mi tam takin an enchak India ram pawn thlenga shooting neihna film 'The Sky is Ours' chu zanin atangin en theih a ni dawn ta...

The Skys is Ours hi zanin (2.8.2024) hian Vanapa Hall-ah tlangzarh a ni a, zanin vek dar 9:30 atangin Zonet Empai Apps-ah en theiha chhawp chhuah a ni nghal dawn. He film hi Wayward Production siam a ni a, Director chu Jeremy Hauhnar niin, Executive Producer chu Lalsangpuii Hnamte a ni a, Director of Photography atan Jon Mizo Visual hman a ni. 

Cast thar tha tak tak kan hmu dawn a, modelling lama hming lo chher tawh, Rinzuala, Christina Pachuau leh Kima Hmar te bakah Timothy Vanchhawng leh Mizo film industry-a mikhual lo tak, Henry Hmangaihawma te'n role pawimawh an chang dawn.

He film hi November, 2023 atanga chan tan a ni a, a scene thenkhat chu Thailand-ah an chang. Trailer leh OST lama hmuh theih chinah he film hi a hmuhnawm hle a, set design mawi tak kan hmu dawn niin a lang. Production Design khawihtu Vavoo Interior Design leh stylist, Andria Fanaite kutchhuakin mit a titlai ngeiin a rinawm.

The Sky is Ours hi contemporary romance (Love story) huang chhunga mi a ni a,  'The Hangout Boys'-a lead singer Zodina leh nuthlawi hmeltha, Betsie-te inkara hmangaihna chungchang a ni. Mi pahnih kara inhmangaihna te, nun bul ṭan ṭha leh tura beihna te bakah, larna leh sum tam tak kara thianho nunkawng zawh chhoh dan chanchin a tarlang a ni.