OMB hmangin puk leh dawn
admin 13-Jan-2025 07:57 AMMizoram Sorkar chuan kumin sorkar kum kal mek (2024-2025) ah a tum kuana atan Open Market Borrowing (OMB) hmangin sum a puk leh dawn.
Mizoram Sorkarin OMB hmanga sum a puk leh tur hi cheng vbc. 119 a ni a, vawiin (13.1.2025) ah tihfel hman beisei a ni. Tuna a puk leh tur cheng vbc. 119 nen hian kumin sorkar kum chhunga cheng vbc. 931 Mizoram Sorkarin a pukna tur a ni.
Kumin sorkar kuma OMB hmanga sum puk dan May-ah vbc. 200, June- ah vbc. 71, July-ah vbc. 90, August-ah vbc. 90, September-ah vbc. 90, October-ah vbc. 50, November-ah vbc. 80, December-ah vbc. 140 leh January-ah vbc. 119 a ni.
Sorkar sum kum kal mekah hian Mizoram Sorkarin OMB hmanga sum a pûk tur zat ruahman chu cheng vbc. 1,170 a ni a; sorkar kum liam ta 2023-24 aiin cheng vbc. 30-in a tlem zawk.
