'Lerlawri' tlangzarh a ni ta

Zote Entertainment film thar, 'Lerlawri (I ngam ngam ka ngam)' chu zanin (13.9.2024) dar 8 hian Vanapa Hall-ah tlangzarh a ni a, Lersia Play-ah lei theih tura dah nghal a ni.

Lerlawri hi nula leh tlangval, mawlmang taka an in hmangaihna zin kawnga hun kal tawh thil avanga an chhungte ve ve atanga buaina an tawh chhuah dan, buaina  hmachhawn tura an in buatsaihna thawnthu hlimawm leh lungchhiat thlak lam a ni a, Mizo te rilrem thei ang ber tura buatsaih leh duan niin Mamit-ah an chang.

Zote Entertainment chuan an film buaipui tawha an la chei rei ber ni tih sawiin, a landan mawlmang tak piahlama a hautak zia leh an beih nasat zia pawh an sawi.

'Lerlawri (I ngam ngam ka ngam)' ah hian Mizo hmeichhe lemchan thiam ka nei that, kum 2023 leh 2024-a Best Supporting Actress leh Best Actress lo la tawh tu Ruthy Chenkual chu a changtunu ber a ni a, he film atang hian Mizo film actress man to ber dinhmun pawh a lo luah tawh a ni.  

Hriatpuia Kion, Joel Pachuau, Machhungi, Parteii (lerlawri tia hriat lar) bakah VL Hmuaka te an inlan dawn. Script hi Tei Zote leh Mike-te ziah a ni a, Mike bawkin direct lehin, Biaka St. Photographu chu director of photography a ni . Lersia Play hi co-producer a ni.