Luidung thianfaiin hnatlang

Vawiin (18.3.2023) chhun khan Public Health Engineering, Kolasib WATSAN Division, District Urban Development Office leh Sub-Hqrs YMA, Kolasib țangkawp buatsaihin World Water Day 2023 pualin Kolasib khawchhung tui tlan, Tuichhuahen lui tih fai hnatlangpui neih a ni. Kolasib khaw chhung YMA branch tin atangin member thawkchhuakin Tuichhuahen fintu lui kawr hrang hrang tihfai a ni.

PHE Sr. EE H Lalsiamliana chuan hnatlang tura kalkhawmte hmaah thu sawiin, 'Bawlhhlawh siam tlem tur a khawsak inherrem thiam mi nih leh bawlhhlawh a hmun tak a paih ngai pawimawh mi nih hi changkanna a ni.  Tui hi kan nunna atana thil pawimawh berte zing ami a nih angin tui hna humhalh leh a vawn thianghlim chu khawtlang hrisel siamna a ni, ' a ti. 

Kolasib Sub Hqrs. YMA President
Thomas D Lalengliana pawhin thu sawiin, YMA member-te chu khawtlang vawn fai kawngahte, tuihna humhalh leh bawlhhlawh mumal tak a sawngbawl kawngahte midangte tan a entawntlak leh kaihhruaitu ni turin a chah. a

Save Tuichhuahen hnatlangah hian Kolasib khawchhung YMA branch tin atangin member țhahnem tak an tel a, PHE, DUDO leh DIPRO ten an telpui bawk a ni.