Bungtlang South Village Council leh All NGO-te chuan thuchhuah siamin, an khaw nula Lalbiakkimi d/o B Taia (L) chunga thil thleng chu pawi an tiin, hriatthiam har an tih thu an tarlang.

Bungtlang South VC leh All NGO tarlan danin, Lalbiakkimi hi New Hope Employment Agency-ten ni 16.1.2024 khan an agency atangin Singapore a hnathawk turin an tir thla a, mahse Singapore an thlen hian airport-ah illegal thil avangin Singapore Police-te'n an man a ni. 

Lalbiakkimi luggage pakhat chu sahdah khat tlata man a ni a, Lalbiakkimi hian Sadah hi dan phal loh (illegal) a ni tih hre lo.

Bungtlang South VC leh All NGO chuan New Hope Agency-te'n Lalbiakkimi sahdah an ken tir pawi an tih thu tarlangin, 'New Hope Agency thawktute hi kan dem tak zet a, tun hnuah hetiang thil hi thleng tawh lo se kan ti,' an ti.

Bungtlang South thilphut :

* Lalbiakkimi hi a tir thlatu New Hope Employment Agency-te hian a rang thei ang berin Mizoram a lo haw theih nan hma la rawh se.

* Lalbiakkimi hi chhungkaw chawmtu leh eizawngtu ber a nih angin, hna a thawh lo chhung zawnga a hlawh awm tawk compensation an pe tur a ni.

* New Hope Employment Agency-te hian Lalbiakkimi chunga thil thleng ang hi tu chunga mah thlen tir tawh lo se kan duh hle.