Zirlai ti thate chawimawina hlan

Vawiin (8.7.2024) khan Tlabung YMA Runah West Tuipui Bial huamchhunga zirlai 56, kumina HSLC leh HSSLC result tihchhuah taka titha zualte hnenah West Tuipui Bialtu MLA Prova Chakma-in chawimawina thilpek a hlan.

Prova Chakma chuan hlawhtling turin zirlaiten tumruhna ringawt piah lamah taimakna an neih tel a ngai tih sawiin, 'Kan bial hi zirna lamah hmun dang aia hnufual a nih avangin, zirlaite chu phurna leh inpekna nei tura nawr kal nan chawimawina thilpek hi ka hlan a n,' a ti.

West Tuipui Bialtu MLA chuan chawimawina semchhuahna inkhawm hmang tura kalkhawm sorkar department aiawh, khawtlang hruaitute, party hrang hrang hruaitute leh zirna ina thawk kalkhawmte chu an bialin zirna lama hma a sawn theihna tura thawhpuiah sawm.

Prova CHakma hian HSLC leh HSSLC-a distinction-a pass zirlai pariat hnenah laptop leh first division-a pass zilaite 48 hnenah 5G support mobile phone a hlan.