Independence Day boycott maithei
admin 11-Aug-2024 03:29 PM
Nimin (10.8.2024) a Chawngte Joint NGO thukhawm chuan Chawngte CHC leh Police State-a thawktu leh an mamawh dangte dahbelh sak tura an ngenna leh, Chawngte khawchhung kawng siam chungchang sorkara an thlen chungchanga hmalak zel dan tur an sawiho.
Meeting-ah hian Chawngte khawtlang mamawh sorkara an thlen chungchang ngaihthlak niin, Home Department atanga police pariat Chawngte Police Station-ah dahbelh sak an nih thu sawilan a ni. PWD Minister hnena Chawngte khaw chhung kawng chungchang an thlen chu duhthusam a sorkar atanga hmalakna a awm loh thu leh, Health Minister hnena an thlen, Chawngte CHC-a thawktu leh hmanraw indaih lohna chungchangah pawh hmalakna duhthusam a la awmloh thu sawilan a ni.
Chawngte Joint NGO chuan mamawh an thlen angte a hlawhtlinna August 13, 2024 thlenga an la hmuh loh chuan, Chawngteah kumin 2024 Independence Day chu boycott nise, an ti.
Chawngte Joint NGO-ah hian Chawngte khua NGO lian zual YMA Branch leh Group, YLA Branch leh Sub Headquarters, CYCA, LDSA, MCSU, MSU, MZP, Central Chakma Mahila Samiti bakah Chawngte P Thalai Pawl-te an tel.
