Lirthei chesualah a khalhtu a thi

Tukin (19.9.2024) dar 8 vel khan Haulawng leh Mausen inkarah Siaha a dah tur gas phur truck  AS 11 CC  - 8766. Chu  kawng thlang ah tlanliam in  200metre vel zet a lum a, a khalhtu Zakir Hussain (43), Silchar chu a hmunah a thi.

Truck-ah hian driver leh handleman chauh chuangin, handleman erawh a dar leh ban a sawh na deuh tih loh hliam na lutuk a tuar lo. PHC Haulawngah first aid pek niin Civil Hospital, Lunglei a refer a ni.

Zawhna chhangin handleman chuan kawng khuar lai deuh lo awm kha an hel a, a ke hmalam chu a chhuak hman a, a hnunglam kha kawng thlang lungrem khan a zo ta lo a, min chim thlakpui a ni ber niin a sawi.

Handleman hi kawngah a vak chhuak a, Haulawng lam Lunglei kal turten hmuin YMA hriattir an ni l. Haulawng leh Mausen Branch YMA-ten driver ruang hi la chhuakin Mausen YMA in kuang an tumsak.